ՄԱՀՎԱ՞Ն ԹԵ՞ ԿՅԱՆՔԻ ՎԱԽ
Խոսելով վախի մասին Ի. Յալոմը նշում է. «Վախը կերտվում է ոչնչից և քանի որ չունի հստակ տեղակայություն հարձակվում է որտեղից ասես» : Ըստ հոգեբանների մահվան վախը առաջնային վախ է ընկած բոլոր վախերի հիմքում: Եվ ինչո՞ւ ենք մենք վախենում մահից:
Էքզիստենցիալ հոգեբանության մեջ մահը գոյության գիտակցման առաջին օղակն է:
Ինչպես Ի. Յալոմն է փաստում.Էքզիստենցիալ հոգեբանության մեջ մահը գոյության գիտակցման առաջին օղակն է:
«Ֆիզիկական մահը սպանում է, մահվան գաղափարի գիտակցումը՝ փրկում»:
«Եթե չլիներ մահվան գաղափարը,- նշում է Վ. Ֆրանկլը մշակութային արժեքներ չէին կերտվի: Մարդը գիտի իր մահվան մասին դրա համար էլ ձգտում է արարել. ահա թե որն է մահվան իմաստը» :
«Մահվան գիտակցումը բերում է կեցության գիտակցման»,- նշում է Հայդիգերը:
Գոյության տեսակետից մահվան հարցին անդրադառնալը կարևոր է և անհրաժեշտ հետագա աճի համար, սակայն անընդհատ մտորումները մահվան շուրջ առաջացնում են հարց.ինչի՞ց ենք մենք վախենում իրականում, մեռնելո՞ւց թե՞ կյանքն ապրելուց:
Կյանքը դիտարկելով որպես անընդհատ հնարավորությունների շղթա, հիշենք, որ մահը այդ բոլոր հնարավորությունների անհնարինությունն է: Տևական ժամանակ մահվան շուրջ ընթացող մտորումները կաթվածահար են անում ԿՅԱՆՔԸ:
Վ. Եդիգարյանը իր «Ինտելեկտուալ մոգություն» մենագրության մեջ մեջբերում է. «Մահը մեր լավագույն ընկերն է, ով միշտ կանգնած է մեր թիկունքում»: Սա փաստ է, որի հետ պետք է հաշվի նստել, սակայն ԱՊՐԵԼՆ առավել կարևոր է:
Ապրել ասել է թե գործել: Մահվան վախի նվազեցման գործում օգնականներ են նպատակները: Նպատակ դնելը, այն իրագործելը մեզ կտրում է մահվան վախի հարթությունից: Մահվան վախով ներծծվելու փոխարեն հարցնենք ինքներս մեզ գո՞հ ենք մեր կյանքից, մեզ երջանի՞կ համարում ենք:
Ի. Յալոմը իր ստեղծագործություններից մեկում այցելուին առաջարկում է գծել մի հարթություն և դրվող գծի միջոցով ցույց տալ իր ապրած կյանքը: Գիծը շատ չի հեռանում սկզբնակետից և այցելուն ցնցված բացականչում է. «Ես իմ կյանքը չեմ ապրել» :
Չապրված կյանքի զգացումը ի վերջո մեզ կկանգնեցնի ափսոսանքի առաջ: Չափսոսալու համար պետք է ԱՊՐԵԼ ԿՅԱՆՔԸ և գիտակցել որ այդպիսով մենք բարձրացնում ենք մեր կյանքի որակը:
Բոլորին չէ որ տրվում է կյանք հնարավորությունը, տրված կյանքն էլ մահվան առկայությունն է արդեն: Սա բեկման անենթակա փաստ է, սակայն այս զույգին միավորող, բաժանող գիծը պետք է ԱՊՐԵԼ:
Կյանքը լույսի շող է, որը խավարը ճեղքում է առաջ-ի և հետո-ի, տարօրինակ է թե մենք ինչո՞ւ ենք վախենում հետո-ից, եթե առաջ-ի մասին ոչինչ չենք իմացել:
Ի. Յալոմ
Հեղինակ՝ Անի Կուռոյան